ბარდის და ოსპის წვნიანი ტარხუნით

09 ოქტ 2019 |

მოემზადეთ, თბილი წვნიანების სეზონი მოდის! თუ თქვენ და თქვენს პატარას სდანდარტული ბოსტნეულის წვნიანები მოგწყინდათ ეს კერძი კვების რაციონს ნამდვილად გაამდიდრებს. ბარდა და ოსპი შეიცავს დიდი რაოდენობით ცილებს და A, C, B ჯგუფის ვიტამინებს. მოინიშნეთ ინგრედიენტები და არ დაგავიწყდეთ ტარხუნა! სწორედ ის მატებს განსაკუთრებულ გემოს ამ წვნიანს.

ინგრედიენტები

მომზადება

დაჭერით ხახვი და ნიორი. პარალელურად ქვაბში ჩაასხით 2 ს/კ მცენარეული ზეთი და დაჭრილი ხახვი და ნიორი მოთუშეთ 1 წუთის განმავლობაში. შემდეგ დაუმატეთ კუბებად დაჭრილი სტაფილო, გააჩერეთ ცეცხლზე 5 წუთის განმავლობაში. მოთუშულ ხახვს, ნიორს და სტაფილოს დაასხით 4 ჭიქა წყალი და ჩაყარეთ 1 ჭიქა შერეული ოსპი და ბარდა. მე ამ შემთხვევაში უკვე შერეული ბარდა და ოსპი შევიძინე, ანუ ასე იყო დაფასოებული. თქვენ შეგიძლიათ თავად აუროთ, ისე რომ ჯამში 1 ჭიქა გამოვიდეს. გააჩერეთ ინგრედიენტები საშუალო ცეცხლზე 40-50 წუთის განმავლობაში, სანამ ყველაფერი კარგად არ მოიხარშება. ბოლოს წვნიანს დაუმატეთ ნიახური და ტარხუნა. მე 1 შეკვრა ტარხუნა მთლიანად გამოვიყენე, ნიახური შედარებით ნაკლები. გააჩერეთ წვნიანი ცეცხლზე კიდევ 5-10 წუთი და გადმოიტანეთ ბლენდერში. დაბლენდერების დროს შეაზავეთ მარილი გემოვნებით. სასურველი მასის მისაღებად შეგიძლიათ ბლენდერში მოხარშულ ინგრედიენტებს ცოტა წყალიც დაუმატოთ. უფროსებმა გაითვალისწინეთ, რომ ამ წვნიანს შავი დაფქვილი წიწაკა უხდება.

© FOOD4.GE ყველა უფლება დაცულია.