გოგრის ღვეზელი

გოგრის ღვეზელის მომზადებას ვიწყებთ ცომით: მოათავსეთ ცომისთვის საჭირო ინგრედიენტები ჩოპერში და 1 წუთი დაატრიალეთ, სანამ არ მიიღებთ ერთიან მასას. შემდეგ მიღებული მასა შეკარით ერთ გუნდად და გაახვიეთ სამზარეულოს პარკში. გირჩევთ, რომ ცომი მაცივარში გააჩეროთ მინიმუმ ერთი საათი.

მაცივრიდან გამოღების შემდეგ ცომი გააბრტყელეთ, გამოსაცხობ ფორმაში მოათავსეთ და 15 წუთი გამოაცხვეთ 180 გრადუსზე გახურებულ ღუმელში. გაითვალისწინეთ, რომ ცომი არ უნდა გამოცხვეს ბოლომდე, რადგან ის უკვე შიგთავსთან ერთად მეორედ უნდა შევაბრუნოთ ღუმელში.

რაც შეეხება ღვეზელის შიგთავსს: აიღეთ ერთი ღრმა ჯამი და ერთმანეთში აურიეთ აღნიშნული ინგრედიენტები. არ შეგაშინოთ ამ მასის თხელმა სტრუქტურამ, სახამებელი და კვერცხი გამოცხობის დროს შეკრავს.

როდესაც გაგრილდება ღვეზელის ქერქი, ჩაასხით გოგრის შიგთავსი და შედგით ისევ ღუმელში. დაელოდეთ დაახლოებით 30-35 წუთი.

გოგრის ღვეზელი სერვირებამდე აუცილებლად გააგრილეთ. სურვილისამებ მიირთვით გათქვეფილ ნაღებთან ერთად.

გემრიელ და მშვიდ ნოემბრის თვეს გისურვებთ!