გოგრის მაფინები

გოგრის მაფინების მოსამზადებლად აიღეთ ერთი ღრმა ჯამი. მოათავსეთ ჯერ ყავისფერი შაქარი, ვანილი, მწიკვი მარილი, გამაფხვიერებელი, მიხაკი, დარიჩინი, ჯანჯაფილი (გთხოვთ ეს ბოლო სამი ინგრედიენტი არ გამოტოვოთ!!!), 2 კვერცხი და აურიეთ კარგად. შემდეგ მოასხით მცენარეული ზეთი და გოგრის პიურე და ისევ კარგად შეათქვიფეთ ერთმანეთს. დაბოლოს ფქვილი! მიიღებთ არაჟნისებურ მასას.

მოასხით კანოლას სპრეი ზეთი მაფინის ფორმას და ნახევარზე ოდნავ მეტი ცომი მოათავსეთ, რადგან აუცილებლად გაიზრდება მოცულობაში. 180 გრადუსზე გახურებულ ღუმელში მოათავსეთ და გამოაცხვეთ 20 წუთი. ამ ცომით გამოდის დაახლოებით 10 მაფინი.

რაც შეეხება კრემს. კრემ-ყველი და კარაქი აუცილებელია რომ იყოს ოთახის ტემპერატურაზე, დაამატეთ ვანილი და შაქრის ,,პუდრა" და მიიღებთ უგემრიელეს კრემს.

მორთეთ გაციებული მაფინები კრემით და კანფეტებით! გაერთეთ მთელ ოჯახთან ერთად!