გრანოლა

გრანოლას მოსამზადებლად ჯამში მოათავსეთ ჯერ შვრია, შემდეგ დაუმატეთ მშრალი ინგრედიენტები: თხილეული და ნებისმიერი ჩირი თქვენი გემოვნებით, დარიჩინი და მწიკვი მარილი. კარგად შეურიეთ ინგრედიენტები ერთმანეთს. ამის შემდეგ დაამატეთ თაფლი და ქოქოსის ზეთი (ან სხვა ზეთი), კარგად გადაურიეთ ერთმანეთს. თუ გსურთ უფრო ტკბილი გემო ქონდეს გრანოლას, დაუმატეთ მეტი თაფლი და არავითარ შემთხვევაში შაქარი :). გაანაწილეთ შვრიის მასა თუნუქის საცხობ ფირფიტაზე.

გაახურეთ ღუმელი 180 გრადუსზე და დაახლოდებით 10-15 წუთი გააჩერეთ ვიდრე მასა არ შეიფერება და გახდება ოქროსფერი. შესაძლოა უფრო გამუქდეს კიდეც, გააჩნია თაფლს. გააგრილეთ გრანოლა და მიირთვით ხაჭოსთან, იოგურტთან და საყვარელ კენკრასთან ერთად.

ასეთი საუზმის შემდეგ დღე აუცილებლად ბედნიერად ჩაივლის!