ქოქოსის რძის წვნიანი

საშუალო ზომის ქვაბში მოასხით ზეითუნის ზეთი, მოაყარეთ წვრილად დაჭრილი ხახვი და გახეხილი ჯინჯერი. 2-3 წუთი მოთუშეთ და დაუმატეთ სოკო, მოაყარეთ სანელებლები. როდესაც სოკო დარბილდება, მოასხით ბოსტნეულის ბულიონი და 8-10 წუთი დააცადეთ დაბალ ცეცხლზე დუღილი. ამის შემდეგ უკვე დაამატეთ ქოქოსის რძე, ლიმონის ახლადგამოწურული წვენი და მოაყარეთ ქინძი და მარილი გემოვნებით. დაახლოებით 5 წუთი ისევ დატოვეთ დაბალ ცეცხლზე და თქვენი უგემრიელესი წვნიანი მზად არის.

მოხარშეთ ბრინჯი და მიირთვით გემრიელად!