კოქტეილი ,,მარგარიტა"

,,მარგარიტას" მოსამზადებლად სულ 3 ინგრედიენტია საჭირო, თუმცა არანაკლებ მნიშვნელოვანია 2 დამატებითი ინგრედიენტი - მარილი და ყინული. ჭიქაში ჩაყარეთ ყინული და რამდენიმე წუთი დატოვეთ, რომ კოქტეილის ჭიქა კარგად გაცივდეს. ამის შემდეგ ჭიქის მთლიან რკალზე მოუსვით ლაიმი და ამოავლეთ მსხვილ მარილში (იხ. ვიდეო - მექსიკური სამზარეულო).

,,შეიკერი" გაავსეთ ყინულით და დაუმატეთ ტეკილა, ფორთოხლის ლიქიორი და ახლადგამოწურული ლაიმის წვენი. თუ თქვენ ტკბილი კოქტეილი გიყვართ, შეურიეთ შაქრის სიროფი. რამდენიმე წამი შეანჯღრიეთ და კოქტეილი მზადაა! მიირთვით ყინულის გარეშე, ან ყინულის კუბებთან ერთად.