ორცხობილები თაფლით და დარიჩინით

გაადნეთ თაფლი ძალიან დაბალ ცეცხლზე, ამისთვის 1-2 წუთი საკმარისია. შემდეგ თაფლს აურიეთ შაქარი, 2 კვერცხი და დარიჩინი. ყველაფერი კარგად შეურიეთ და ათქვიფეთ კოვზით. დაამატეთ ფქვილი, სოდა, ვანილი. ცომი გამოდის წებოვანი. ამიტომ თუნუქის გამოსაცხობ ფირფიტებზე გადატანის დროს ხელი დაისველეთ წყლით ან ზეთით, რათა ორცხობილებს მისცეთ მომრგვალო ფორმა. შეგიძლიათ კოვზითაც დადოთ გამოსაცხობ ფირფიტაზე ცომი. ოღონდ მანამდე საცხობ ფორმას დააფინეთ პერგამენტის ქაღალდი და წაუსვით ზეთი. ღუმელი გაახურეთ 180 გრადუსზე, გამოაცხვეთ 30 წუთი, სანამ ორცხობილები არ გახდება მუქი ოქროსფერი. ცხობის დროს ორცხობილები საგრძნობლად იზრდება ზომაში, ამიტომ ცომის ბურთებს ძალიან ახლოს ნუ დადებთ ერთმანეთთან.