შოკოლადის ნამცხვარი

შოკოლადის ნამცხვრის მოსამზადებლად დაგჭირდებათ 2 ღრმა ჯამი.

პირველ ჯამში ერთმანეთს შეურიეთ მშრალი ინგრედიენტები: ფქვილი, გამაფხვიერებელი, ვანილი, სოდა და მარილი და გადადეთ ცოტა ხანი გვერდზე.

მეორე ჯამში ჯერ კარაქი და შაქარი შეათქვიფეთ ერთმანეთს, შემდეგ დაუმატეთ კვერცხი და ამჟავებული რძე (რძეში ჩაასხით 1 ს/კ ძმარი) და ისევ კარგად გათქვიფეთ.

ახლა კი დროა მშრალი და სველი ინგრედიენტები შეურიოთ ერთმანეთს, ვიდრე არ მიიღებთ ერთიან მასას. შეურიეთ ცომს შოკოლადის ნატეხები.

შეაშხაპუნეთ კექსის ფორმას კანოლას სპრეი ზეთი და მოათავსეთ ცომი ფორმაში.

180 გრადუსზე გახურებულ ღუმელში გამოაცხვეთ 45-50 წუთი.

გააგრილეთ ნამცხვარი და მოაყარეთ შაქრის ,,პუდრა".

მიირთვით გემრიელად !