ცხარე კრევეტები რეჰანის პესტოთი
მიყვარს როდესაც კერძების მომზადებაში ჩემი მეუღლეც იღებს ხოლმე მონაწილეობას. უფრო სახალისო ხდება ეს პროცესი და უფრო მეტი საინტერესო იდეა იბადება. ერთ-ერთი ბოლო ასეთი საერთო კერძი კრევეტების აპეტაიზერია. ზაფხულია და უცებ მოსამზადებელ წასახემსებლებს არაფერი ჯობია, მით უმეტეს თუ ეს კერძი საოცრად მდიდარია გემოებით.
![](/uploads/1591888271208_C06B5339-E4F7-4A27-B5E3-E3740778C511.jpeg/original.jpeg)
ინგრედიენტები
წითელი რეჰანის პესტო
მომზადება
მოხარშეთ კრევეტები ადუღებულ წყალში და გააჩერეთ მანამ, სანამ კრევეტები არ გახდება ვარდისფერი. როგორც წესი 5-7 წუთი საკმარისია ხოლმე. ააცვით ბამბუკის ჯოხებზე და ცოტა ხანი გვერდზე გადადეთ.
მოამზადეთ რეჰანის პესტო - ინგრედიენტები ერთად მოათავსეთ ბლენდერში და რამდენიმე წამი დაატრიალეთ.
კრევეტებს გადაუსვით ჯერ აჯიკა ორივე მხარეს და სამზარეულოს ფუნჯით გადაანაწილეთ, შემდეგ მოასხით რეჰანის პესტო დ აისიც გაანაწილეთ.
ამის შემდეგ დიდ ტაფაში დაადნეთ კარაქი, მოათავსეთ როზმარინი, კამა, შუაზე გაჭრილი ნიორი და 4-ად დაჭრილი ნიორის ღერები. ამის შემდეგ მათ გვერდით მოუდეთ კრევეტები. მობრაწეთ 3-4 წუთი ორივე მხარეს. ბოლოს, მოთუშული მწვანილი ერთად შეკრიბეთ და მეტი არომატის მისაღებად კრევეტები ზემოდან მოათავსეთ 2 წუთი გააჩერეთ.
წვრილად დაჭერით მოთუშული ნიორი და ზემოდან მოაყარეთ კრევეტებს, არ დაგავიწყდეთ ლიმონის მოსხმა. ისიამოვნეთ!