ბებოს პასკა

გაითვალისწინეთ, რომ პასკის ინგრედიენტები უნდა იყოს ოთახის ტემპერატურის და მაღალი ხარისხის. ცომის მოზელის დროს ოთახში უნდა იყოს სითბო.

ამ რეცეპტით გამოდის 8-9 პატარა პასკა ან 3-4 დიდი ზომის პასკა.

წინა დღეს არაყში ვაყენებთ სუნელებს.

ცხობის დროს პირველ რიგში ვამზადებთ საფუარის მასას:

1 ჭიქა თბილ რძეში ვყრით 2 ს/კ საფუარს, 1 კოვზ შაქარს და ფქვილს, კარგად ვურევთ თხელი არაჟნის სისქე რომ მივიღოთ. ზემოდან გადავაფარებთ სამზარეულოს ცელოფანს ან ვახურავთ თავსახურს და თბილ ადგილას ვაჩერებთ. მალე ამოვა საფუარი და უკეთესია ჩააგდოთ და ისევ ამოაფუოთ მეორედ.

პარალელურად: კვერცხის ცილას და გულს ვაცალკევებთ ერთმანეთისგან. გულებისგან და შაქრისგან ვამზადებთ გოგლი-მოგლს, ცილისგან კი ვიღებთ ღრუბელივით მასას. ვამატებთ მარილსაც.

გოგლი-მოგლს ვხსნით ცხელ რძეში(არა ადუღებულ), ასევე ვურევთ საფუარს და ბოლოს ცილას. ნელ-ნელა შევაზელთ ფქვილს და ბოლოს კარაქს. მოზელვის პროცესი ცოტა დიდხანს გრძელდება, კარგად უნდა გაუჯდეს ინგრედიენტები ერთმანეთს. ლიმონის ცედრას და სუნელებსაც აქვე შევუევთ და ცომს კარგად ვფუთავთ თბილი პლედებით და ვტოვებთ მინიმუმ 4 საათი თბილ ადგილას.

ამოფუებულ ცომს ზეთით გადავზელთ კიდევ ერთხელ, დავამატებთ ცუკატებს ან ქიშმიშს და გადავანაწილებთ ფორმებში. ნახევრამდე უნდა შეივსოს პასკის ფორმა ცომით. კიდევ ველოდებით დაახლოებით 2 საათი ამოფუებას და ამის შემდეგ კონვექციის რეჟიმზე 160-170 გრადუსზე გახურებულ ღუმელში ვაცხობთ დაახლოებით 50 წუთი. ბოლო 15 წუთი 150 გრადუსამდე ვუწევთ ტემპერატურას. ყველა ღუმელი ინდივიდუალურია და ყურადღება მიაქციეთ რომ სწორ ტემპერატურაზე დააყენოთ და არ მოგებრაწოთ პასკა ან პირიქით.

რაც უფრო დიდი ზომისაა პასკა, ყურადღება მიაქციეთ რომ გული კარგად გამოუცხვეს, საშუალო და პატარა პასკები შედარებით მარტივად ცხვება.

წარმატებებს გისურვებთ!

ბედნიერი აღდგომა!