გაითვალისწინეთ, რომ სხვადასხვა ბრენდის სუნელებს თავისი სიძლიერე აქვთ, ამიტომ ყურადღება მიაქციეთ, რომ არც ძალიან სუსტი გამოვიდეს, და არც ძალიან მძაფრი გემო არ მიიღოთ.

წინა საღამოს შეურიეთ რომს/არაყს სუნელები და დატოვეთ მშრალ ადგილას.

მომზადების დღეს აურიეთ ერთმანეთში მშრალი ინგრედიენტები: ფქვილი, საფუარი, შაქარი და მარილი. დაამატეთ რბილი კარაქი და კარგად შეურიეთ მშრალ ინგრედიენტებში მიქსერის დახმარებით. ამის შემდეგ სათითაოთ შეათქვიფეთ კვერცხი, დაუმატეთ სუნელების ნაყენი, ვანილი და ქიშმიში, ან ცუკატები. ბოლოს დაამატეთ თბილი რძე (თბილზე ოდნავ ცხელი).

ცომი კარგად მოზილეთ და გაანაწილეთ ფორმებში. მიიღებთ ოდნავ თხელ სტრუქტურას. ფორმები ცომით შეავსეთ ნახევრამდე, შეფუთეთ და დაახლოებით 2 საათით მოათავსეთ თბილ ადგილას გასაფუებლად.

170 გრადუსზე გახურებულ ღუმელში (კონვექციის რეჟიმი) მოათავსეთ პასკის ფორმები და გამოაცხვეთ 45-50 წუთი. ბოლო 15-20 წუთი დაუწიეთ ტემპერატურას 150 გრადუსამდე, რომ პასკა კარგად გამოშრეს.

გააფორმეთ პასკები შაქრის ფხვნილით ან ბეზეთი.

ბედნიერ აღდგომას გისურვებთ!🌸