გუმბაო

გუმბაოს მომზადებას ვიწყებ სოუსით. საშუალო ზომის ჯამში მოათავსეთ ბულიონი, შაქარი, ძმარი, სოიოს სოუსი და სიმინდის ფქვილი, კარგად მოურიეთ და ცოტა ხანი გვერდზე გადადეთ.

გააცხელეთ ღრმა ტაფა (ვოკი საუკეთესო ვარიანტია), ჩაასხით ზეთი და დაამატეთ პატარა, 2-3 სმ კუბებად დაჭრილი ქათმის ფილე. დაელოდეთ ვიდრე ქათამი არ გახდება ოქროსფერი, შემდეგ ამოიღეთ ჯამში და გვერდზე გადადეთ.

იგივე ჯამში, ჩაყარეთ მწვანე ხახვი, ჯინჯერი, ნიორი, წიწაკა და დაახლოებით 2 წუთი მოთშეთ. დაამატეთ მიწისთხილი და კიდევ 2 წუთი დაელოდეთ.

დააბრუნეთ ქათამი ტაფაში და დაასხით გამზადებული სოუსი, რომელიც 3-4 წუთში გადაიქცევა ბლანტ, სქელ მასად. იმ შემთხევაში, თუ სოუსი ძალიან გასქელდა, შეგიძიათ ოდნავ დაამატოთ ბულიონი. საშუალო ცეცხლზე გააჩერეთ კერძი მანამ, სანამ ქათამი ბოლომდე არ მომზადეება.

მოწალეთ ბრინჯი (მიყვარს ოდნავ სიმაგრე რომ აქვს), გაანაწილეთ 2 საშუალო ზომის ჯამში და ზემოდან დაასკუპეთ ცხელი გუმბაო. გემრიელად მიირთვით!