პასკა

11 აპრ 2021 |

პასკის მომზადება ჩემს ოჯახში მთელი რიტუალია: იწყება დილის 4 საათზე და სრულდება გვიან ღამე. მე სულ ერთი კითხვა მაწუხებდა, რა საჭირო იყო ასე ადრე ადგომა, როცა შეიძლებოდა გათენებულიყო და ისე დაეწყო ბებოს პასკის მზადება. მაგრამ არა! ასე გრძელდება დღემდე, იმიტომ რომ ამ პროცესს მართლაც ძალიან დიდი დრო მიაქვს. ჩემი ბებო კახეთში დიდ ე.წ. ,,ფურნაში" აცხობს სააღდგომო პასკებს და მასავით გემრიელს არ გეწყინოთ, მაგრამ ვერსად ვერავინ ამზადებს. მინდოდა რომ მისი რეცეპტით მეხელმძღვანელა, მაგრამ მივხვდი, რომ გადაღება უსასრულობაში გაიწელებოდა; რამე მარტივი ტექნოლოგიის ძიება დავიწყე და ჩემი ახლობელის დახმარებით ვიპოვე კიდეც! ბევრს შესაძლოა ეჭვი გაგიჩნდეთ, პასკის მომზადების სიმარტივეში, მაგრამ დამიჯერეთ, მძიმე, ნოტიო, გემრიელი პასკა გამოდის. დაბოლოს, მე თუ შევძელი, თქვენც აუცილებლად გამოგივათ :)

მრავალ აღდგომას დაესწარით!

ინგრედიენტები

სუნელები:

მომზადება

წინა საღამოს შეურიეთ რომს/არაყს სუნელები და დატოვეთ მშრალ ადგილას. 


მომზადების დღეს აურიეთ ერთმანეთში მშრალი ინგრედიენტები: ფქვილი, საფუარი, შაქარი და მარილი. დაამატეთ რბილი კარაქი და კარგად შეურიეთ მშრალ ინგრედიენტებში მიქსერის დახმარებით. ამის შემდეგ სათითაოთ შეათქვიფეთ კვერცხი, დაუმატეთ სუნელების ნაყენი, ვანილი და ქიშმიში, ან ცუკატები. ბოლოს დაამატეთ თბილი რძე (თბილზე ოდნავ ცხელი). 

ცომი კარგად მოზილეთ და გაანაწილეთ ფორმებში. ფორმები ცომით შეავსეთ ნახევრამდე, შეფუთეთ და დაახლოებით 2 საათით მოათავსეთ თბილ ადგილას გასაფუებლად.


170-180 გრადუსზე გახურებულ ღუმელში მოათავსეთ პასკის ფორმები და გამოაცხვეთ 45-50 წუთი. ბოლო 15-20 წუთი დაუწიეთ ტემპერატურას 150 გრადუსამდე, რომ პასკა კარგად გამოშრეს.


რაც შეეხება შაქრის მინანქარს, ამასთან დაკავშირებით ბევრი კითხვა დაისვა და აქ გიპასუხებთ ყველას: დიდ მარკეტებში იყიდება სპეციალური შეკვრა, შაქრის ,,პუდრის" მსგავსი, რომელიც ათქვეფილ ცილაში უნდა შეურიოთ კარგად და მიიღებთ თეთრ ქათქათა მასას, რომელიც შემდეგ მაგრდება. შეკვრას ახატია პასკა :)


ბედნიერ აღდგომას გისურვებთ!

© FOOD4.GE ყველა უფლება დაცულია.